Республикалық «Балдәурен» оқу-сауықтыру орталығынан 7-сынып оқушысы Бекет Жансая «Алғыс хатпен» және оқуына өте жақсы бағамен келді. «Балдәурен» – оқу, педагогикалық және сауықтыру іс-шараларын ұйымдастыруға арналған республикалық ғылыми-әдістемелік орталық, сондай-ақ балалар халықаралық және республикалық мәдени-бұқаралық, ғылыми-практикалық іс-шараларды өткізу орны. «Балдәурен» республикалық оқу-сауықтыру орталығы Қазақстанның ең көркем түкпірлерінің бірінде, Щучье көлінің жағасындағы Боровск курорттық аймағында орналасқан.